Пра гэта расказалі ў ТГ-канале «Гомельшчына афіцыйна».

На фермах зрывала дахі будынкаў, на праезную частку падалі дрэвы. Вецер бушаваў у Калінкавіцкім, Петрыкаўскім, Рэчыцкім, Светлагорскім раёнах і абласным цэнтры.

У Петрыкаўскім раёне маланка траўміравала жывёлавода мясцовага сельскагаспадарчага прадпрыемства. Таксама загінула 71 карова: жывёлы пасвіліся ў полі каля фермы «Ванюжычы».

• За мінулыя суткі ў Гомельскай вобласці святло адключалася ў 28 населеных пунктах.

Ураганны вецер прайшоўся і па Магілёўскай вобласці, там парывы ​​ветру дасягалі 27 метраў за секунду, паведамілі ў МНС.

У рэгіёне пашкоджаны дахі прыватных дамоў, фермерскіх пабудоў і цялятнікаў, разбіла шкло ў трактары, камбайне, аўтобусе. Ніхто з людзей не пацярпеў.