Ням-Асарын Учрал падкрэсліў, што Манголія нязменна надае вялікае значэнне ўмацаванню сувязей з еўразійскім рэгіёнам. Паводле яго слоў, ЕАЭС з’яўляецца для яго краіны важным партнёрам, з якім даўно наладжаны цесныя гандлёва-эканамічныя і культурныя сувязі.

«Мы маем усе магчымасці для пашырэння супрацоўніцтва не толькі ў гандлі і транспарце, але і ў такіх галінах, як палітыка, зялёнае развіццё, лічбавая трансфармацыя, навука і адукацыя», — заявіў прадстаўнік мангольскага боку

У той жа час першы віцэ-прэм’ер заўважыў, што тавараабарот Манголіі з ЕАЭС невялікі і складае ўсяго толькі 11 працэнтаў ад усяго знешнегандлёвага абароту краіны.

У час саміту паміж Еўразійскім эканамічным саюзам і Манголіяй было падпісана часовае гандлёвае пагадненне. Ням-Асарын Учрал лічыць, што з пачаткам рэалізацыі гэтага пагаднення тавараабарот паміж краінамі і прадпрыемствамі пашырыцца.

«Манголія зацікаўлена ў паглыбленні ўзаемавыгаднага супрацоўніцтва з дзяржавамі — членамі саюза для забеспячэння надзейных паставак прадуктаў харчавання, энергіі, сыравіны і стварэння новых вытворчых ланцужкоў», — сказаў першы намеснік прэм’ер-міністра.