Праверка, праведзеная Міністэрствам антыманапольнага рэгулявання і гандлю (МАРГ) на сталічным рынку «Валяр’янава», выявіла абуральныя парушэнні: мясцовы прадавец ператварыў звычайныя апельсіны і мандарыны ў сапраўдны «залаты» тавар, накруціўшы цэны ў разы вышэй за заканадаўча ўстаноўлены ліміт.
Як высветлілі кантралёры, ТАА «Валеркам» сістэматычна завышала гандлёвыя надбаўкі на цытрусавыя. Замест дазволеных законам 33–34% (з улікам аптовай надбаўкі і надбаўкі імпарцёра), прадпрымальнікі ўстанавілі нацэнку, якая шакавала нават дасведчаных кантралёраў — ад 274% на апельсіны да ашаламляльных 424% на мандарыны.
Згодна з матэрыяламі праверкі, цэны на прылаўках аказаліся касмічнымі:
• Апельсіны прадаваліся па 25,00 руб. пры эканамічна абгрунтаванай цане 8,89 руб.;
• Мандарыны ацэньваліся ў дыяпазоне ад 19,90 да 35,00 руб., хоць гранічна дапушчальная цана вар’іруецца ад 5,44 да 8,89 руб. за кілаграм.
Такая цэнавая палітыка не засталася беспакаранай. Эканамічны суд Мінскай вобласці ўжо вынес вердыкт: ТАА «Валеркам» аштрафаванае на суму больш за 30 тысяч рублёў. Акрамя таго, адказнасць панясе і канкрэтная службовая асоба, якая дапусціла такое грубае парушэнне.
Пастановы суда уступілі ў законную сілу.
