За 2025 год Камісіяй па ўстанаўленні факта наяўнасці (адсутнасці) парушэння антыманапольнага заканадаўства разгледжана 46 спраў, па якіх устаноўлена 14 фактаў наяўнасці парушэння.
 
Большасць выяўленых фактаў — гэта нядобрасумленная канкурэнцыя, якая складае 50 % ад усіх парушэнняў. Таксама выяўлены парушэнні антыманапольных патрабаванняў да закупак тавараў (36 %), злоўжыванне дамінуючым становішчам (7 %), пагадненні, якія абмяжоўваюць канкурэнцыю (7 %). 

Па выніках праведзеных антыманапольных расследаванняў у мінулым годзе складзены і накіраваны ў суд 41 пратакол аб адміністрацыйным правапарушэнні, сума штрафных санкцый склала каля 54 тыс. бел. руб.

З рэкамендацыямі па карэктным складанні заявы аб парушэнні можна азнаёміцца на сайце МАРГ.