«Большасці карыстальнікаў дастаткова перазагружаць прыладу прыкладна раз на тыдзень або тады, калі яна без бачнай прычыны пачынае павольней працаваць, хутчэй разраджацца або рэгулярна страчвае сувязь з бесправаднымі сеткамі», — расказаў старшы выкладчык кафедры інструментальнага і прыкладнога праграмнага забеспячэння РТУ Андрэй Рыбнікаў, перадае РІА «Новости».

Па словах эксперта, з часам работы смартфона ў сістэме назапашваюцца памылкі, з-за якіх гаджэт пачынае павольней пераключацца паміж праграмамі, хутчэй расходаваць зарад або страчваць сувязь. Перазагрузка завяршае працэсы, якія некарэктна працуюць, і запускае сістэмныя службы нанова, што дапамагае аднавіць нармальную работу.

«Калі доўга адкладаць перазагрузку, могуць з’явіцца павышаны расход зарада, нестабільная работа асобных функцый або памылкі пры ўзаемадзеянні дадаткаў з сістэмай», — адзначыў ён.

Пры гэтым, як падкрэсліў эксперт, сама па сабе перазагрузка не падаўжае тэрмін службы прылады і практычна не ўплывае на рэсурс батарэі. Літый-іонныя акумулятары зношваюцца галоўным чынам з-за цыклаў зарадкі, высокай тэмпературы і натуральнага старэння, а не з-за працягласці бесперапыннай работы без выключэння, заключыў спецыяліст.