Традыцыйная закуска «суанье» становіцца яркай гастранамічнай візітнай карткай Гуансі-Чжуанскага аўтаномнага раёна. «Суанье» — гуансійская кіслая закуска з марынаванай гародніны і садавіны з доўгай гісторыяй і мноствам рэгіянальных разнавіднасцяў, перадае «Жэньмінь жыбаа» анлайн».
У розных кутках аўтаномнага раёна выкарыстоўваюцца свае інгрэдыенты, свае спосабы прыгатавання і свае адценні смаку — адсюль і нарадзіўся дэвіз мясцовай кухні: «Усё можна замарынаваць!». У 2023 годзе тэхналогія прыгатавання «суанье» з горада Наннін была ўнесена ў дзявяты спіс аб’ектаў нематэрыяльнай культурнай спадчыны на ўзроўні аўтаномнага раёна.
На сённяшні дзень у Гуансі налічваецца 28 ліцэнзаваных вытворчых прадпрыемстваў «суанье», больш за 11 тысяч гандлёвых пунктаў, а агульны аб’ём вытворчасці галіны ў 2025 годзе перавысіў 1,5 мільярда юаняў. Гэты кісла-асвяжальны смак звязвае разам нематэрыяльную спадчыну, культурны турызм, адраджэнне вёскі і іншыя каштоўнасці, якія пастаянна падсілкоўваюць Гуансі новай энергіяй для росту дабрабыту народа.
Мікалай ЛІТВІНАЎ
