Чакаецца, што да канца 2025 года аб’ём асноўнай галіны штучнага інтэлекту (ШІ) у Кітаі перавысіць 1,2 трлн юаняў. Аб гэтым паведамілі ў даследчым інстытуце пры Міністэрстве прамысловасці і інфарматызацыі КНР, перадае «Сіньхуа».
Акадэмія інфармацыйных і камунікацыйных тэхналогій Кітая (CAICT) адзначыла, што развіццё тэхналогій штучнага інтэлекту дасягнула паваротнага моманту, паскорыўшы пераход ад тэхнічных інавацый да стварэння рэальных прадукцыйных сіл. У CAICT адзначылі значныя паляпшэнні ў буйных мадэлях штучнага інтэлекту, дзякуючы якім іх моўныя магчымасці і магчымасці мультымадальнага разумення палепшыліся адпаведна на 30 і 50 працэнтаў.
Сектар увасобленага штучнага інтэлекту, які аб’ядноўвае буйныя мадэлі з робататэхнікай, таксама імкліва развіваецца, забяспечыўшы фінансаванне на суму больш за 40 млрд юаняў і аб’ядноўваючы больш за 350 кампаній па ўсім вытворчым ланцужку. У CAICT прагназуюць, што Кітай запусціць камерцыйныя дадаткі 6G прыкладна ў 2030 годзе, а маштабнае ўкараненне чакаецца да 2035-га.
