З удзелам беларусаў у казахстанскай сталіцы на плошчы каля Свята-Успенскага сабора адбылося святкаванне Масленіцы — аднаго з самых яркіх і любімых народных святаў, якое сімвалізуе развітанне з зімой і сустрэчу вясны. Пра гэта БелТА паведамілі ў пасольстве Беларусі ў Казахстане.
Гасцей свята ў атмасферы гасціннасці чакалі кірмаш-распродаж, традыцыйныя масленічныя пачастункі — духмяныя бліны з разнастайнымі начынкамі і гарачая гарбата, а таксама народныя гулянні з песнямі і творчымі выступленнямі.
«Удзел беларускага боку ў святкаванні Масленіцы стаў яшэ адным пацвярджэннем традыцыйна добрых і канструктыўных адносін паміж народамі Беларусі, Расіі і Казахстана, а таксама важнасці захавання і папулярызацыі культурнай спадчыны», — адзначылі ў беларускай дыпмісіі ў Астане.
