У гісторыка-культурным комплексе «Лінія Сталіна» 9 і 10 мая пройдуць урачыстыя мерапрыемствы, прымеркаваныя да святкавання 80-годдзя Перамогі. У праграме — розныя квэсты і экскурсіі, магчымасць пастраляць з гармат і пакатацца на ваеннай тэхніцы, паведамілі «Минск-Новости».
У гэтыя дні на тэрыторыі будзе арганізавана рэканструкцыя бою Берлінскай стратэгічнай наступальнай аперацыі. Рэканструкцыю прысвецяць Героям Савецкага Саюза: танкістам Івану Міранкову і Мікалаю Шандрыкаву, артылерысту Уладзіміру Рубінскаму і матросу Георгію Дуднікову.
Наведвальнікам комплексу прапануюць прайсціся па экскурсійным маршруце «Лінія Сталіна», паглядзець паказальныя выступленні спецыялістаў-кінолагаў, канцэртную праграму з удзелам аркестра 56-га асобнага Тыльзіцкага ордэна Чырвонай Зоркі палка сувязі ВПС і войскаў СПА, стылізаваны паказ адзення 1940-х гадоў ад тэатра моды «Рэальны ўзрост». Жадаючыя таксама змогуць пракаціцца на танку ПТ-76 і паўдзельнічаць у розных інтэрактыўных мерапрыемствах.
Як дабрацца?
У пятніцу і суботу, 9 і 10 мая, з 09:00 да 19:00 для гасцей мерапрыемства арганізаваны аўтобусны маршрут № 948э «Мінск — Лінія Сталіна».
Транспарт будзе курсіраваць па маршруце ДС Кунцаўшчына — ст. м. Каменная Горка — ст. Ждановічы — Школа № 1-ст. ІКК «Лінія Сталіна».
