Паводле слоў Мікалая Лешыка, асноўная работа, якая праводзіцца ў аграрнай галіне, — гэта аптымізацыя затрат на вытворчасць і выпуск канкурэнтнай прадукцыі. «У сувязі з гэтым на пастаяннай аснове павінна ісці мадэрнізацыя вытворчасцяў, павінна праводзіцца механізацыя сельскай гаспадаркі. Ну і пэўны ёсць момант — гэта працоўны рэсурс. Удасканаленне тэхналогіі, павышэнне ўзроўню механізацыі патрабуе большай кваліфікацыі. Калі ў недалёкае мінулае вярнуцца, на трактарах МТЗ-80 і 82 мог працаваць практычна любы школьнік. А з прыходам новай тэхнікі як мінімум неабходна базавае навучанне, каб чалавек мог нармальна кіраваць сучаснай тэхнікай і, натуральна, беражліва да яе ставіцца і не нашкодзіць. Таму што спыненне такога вялікага агрэгата можа прынесці вялікую шкоду», — звярнуў увагу ён.

Што датычыцца кадраў, то цяпер прапрацоўваюцца пытанні прыцягнення рабочых іншых арганізацый на перыяд масавых работ, дадаў Мікалай Лешык.