Як расказаў тэлеканал CBS, 25 сакавіка ў Белым доме прайшоў форум «Выхоўваем будучыню разам». На ім Мелані прадставіла сваё бачанне новай адукацыйнай сістэмы, дзе штучны інтэлект здабудзе фізічную форму для дапамогі дзецям. На думку жонкі прэзідэнта ЗША, пераход тэхналогій ШІ з мабільных тэлефонаў у фармат чалавекападобных робатаў адбудзецца ў самы бліжэйшы час. Такія прылады закліканы не проста дзяліцца ведамі, але і дапамагаць школьнікам развіваць крытычнае мысленне і навыкі самастойнага разважання. Мелані Трамп падкрэсліла, што гэта мера неабходная для фарміравання «самага высокаадукаванага пакалення ў свеце», што ў доўгатэрміновай перспектыве забяспечыць ЗША эканамічную перавагу.

Рэалізацыяй тэхналагічнага боку праекта зоймуцца вядучыя ІТ-гіганты, сярод якіх Microsoft, Open AI, Google Zoom і Meta. Сімвалам новай ініцыятывы стаў прататып чалавекападобнага робата па імені Платон, які суправаджаў першую лэдзі ЗША падчас адкрыцця форуму.