У Канзасе ў першым паядынку групы J у аргенцінцаў вызначаўся бліскучай гульнёй Ліянэль Месі, якому праз тыдзень споўніцца 39 гадоў. У сваім 200-м матчы за нацыянальную зборную ён аформіў хет-трык і паўтарыў рэкорд Міраслава Клозэ, забіўшы 16 мячоў на чэмпіянатах свету. Для Ліянэля Месі гэта шосты планетарны форум, што таксама з’яўляецца рэкордным дасягненнем. Зборная Аўстрыі ў Санта-Клары будзе сапернічаць з дэбютантам планетарнага форуму камандай Іарданіі.

Віцэ-чэмпіёны планеты французскія футбалісты ў стартавым матчы квартэта I упэўнена перайгралі каманду Сенегала — 3:1. Галявы дубль у гэтай сустрэчы аформіў лідар зборнай Францыі Кіліян Мбапэ. Футбалісты Нарвегіі не зведалі праблем у гульні з іракцамі — 4:1. Галоўны бамбардзір паўночнай каманды Эрлінг Холан аформіў галявы дубль.

Вечарам 17 чэрвеня адбудуцца два паядынкі. У групе K зборная Партугаліі ў Х’юстане сустрэнецца з футбалістамі ДР Конга (пачатак гульні ў 20.00), а ў квартэце L англічане згуляюць з харватамі (пачатак у 23.00).

Беларускія балельшчыкі могуць сачыць за гульнямі сусветнага першынства ў прамым эфіры тэлеканала «Спорт ТБ».

Рэзультаты матчаў першага тура ў іншых групах:

А — Мексіка — ПАР — 2:0, Рэспубліка Карэя — Чэхія — 2:1;

B — Канада — Боснія і Герцагавіна — 1:1, Катар — Швейцарыя — 1:1;

C — Шатландыя — Гаіці — 1:0, Бразілія — ​​Марока — 1:1;

D — ЗША — Парагвай — 4:1, Аўстралія — ​​Турцыя — 2:0;

E — Германія — Кюрасаа — 7:1, Кот-д’Івуар — Эквадор — 1:0;

F — Швецыя — Туніс — 5:1, Нідэрланды — Японія — 2:2;

G — Бельгія — Егіпет — 1:1, Новая Зеландыя — Іран — 2:2;

Н — Іспанія — Каба-Вердэ — 0:0, Уругвай — Саудаўская Аравія — 1:1.

Групавы этап завершыцца 28 чэрвеня, пасля чаго ў плэй-оф выйдуць па дзве лепшыя каманды з 12 квартэтаў, а таксама восем лепшых з тых зборных, якія зоймуць трэція месцы. Матчы 1/16 фіналу адбудуцца 28 чэрвеня — 4 ліпеня, сустрэчы 1/8 фіналу пройдуць 4-7 ліпеня, чвэрцьфіналы — 9-12 ліпеня, паўфінальныя гульні намечаны на 14 і 15 ліпеня, матч за бронзу пройдзе 18 ліпеня ў Маямі, а 19 ліпеня ў Нью-Ёрку адбудзецца вырашальны паядынак за чэмпіёнскі тытул.

Фінальны турнір цяперашняга сусветнага першынства ўпершыню ў гісторыі праходзіць на арэнах адразу трох краін — ЗША, Канады і Мексікі. Таксама ўпершыню ў фінальнай стадыі сусветнага чэмпіянату ўдзельнічаюць 48 каманд. Дэбютантамі фіналу ЧС з’яўляюцца зборныя Узбекістана, Кюрасаа, Каба-Вердэ і Іарданіі.