Зменены межы некаторых сельскіх населеных пунктаў Зэльвенскага раёна Гродзенскай вобласці. Адпаведнае рашэнне Зэльвенскага раённага Савета дэпутатаў ад 14 мая 2026 года № 119 апублікавана на Нацыянальным прававым інтэрнет-партале, паведамляе БелТА.
Адкарэкціраваны межы дзвюх вёсак Галынкаўскага сельсавета — Клімавічы і Астраво, а таксама Рудзевічы Дабрасялецкага сельсавета. У Зэльвенскім сельсавеце зменены межы вёсак Беражкі і Кона, у Каралінскім сельсавеце — вёсак Аляксандраўшчына, Горна, Калінаўка і аграгарадка Міжэрычы.
Прававы акт прыняты ў адпаведнасці з законам Рэспублікі Беларусь ад 5 мая 1998 года № 154-З «Аб адміністрацыйна-тэрытарыяльным ладзе Рэспублікі Беларусь».
Рашэнне набывае моц пасля яго афіцыйнага апублікавання.
