Па даручэнні Прэзідэнта Беларусі Аляксандра Рыгоравіча Лукашэнкі член Прэзідыума Савета Рэспублікі, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўству і дзяржаўнаму будаўніцтву Міхаіл Русы ў складзе беларускай парламенцкай дэлегацыі на чале са Старшынёй Палаты прадстаўнікоў Ігарам Сергяенка працуе на 13-й сесіі Сусветнага форуму гарадоў.

Маштабная падзея праходзіць пад эгідай праграмы ААН па населеных пунктах (ААН-Хабітат). У ёй удзельнічаюць прадстаўнікі 193 дзяржаў — членаў ААН. Дэвіз сесіі: «Жыллё для міру: бяспечныя і ўстойлівыя гарады і супольнасці».

Ключавыя тэмы абмеркавання:

1. Даступнасць жылля;
2. Укараненне «разумных» тэхналогій у горадабудаўніцтве;
3. Інклюзіўнае і бяспечнае гарадское асяроддзе;
4. Зніжэнне кліматычных рызык;
5. Жыллёвы сектар як драйвер гарадскога развіцця.

Двухбаковы трэк

Візіт арганізаваны па запрашэнні спікера Мілі Меджліса (парламента Азербайджана). На палях форуму беларускія парламентарыі абмяркуюць з калегамі ўвесь спектр двухбаковых адносін, перспектыўныя праекты міждзяржаўнага супрацоўніцтва і далейшае развіццё міжпарламенцкіх сувязей.

Роля беларускай дэлегацыі — прадстаўленне пазіцыі нашай краіны па пытаннях устойлівай урбанізацыі, абмен лепшымі практыкамі і ўмацаванне міжнароднага дыялогу для пабудовы гарадоў будучыні.

Падчас афіцыйнага візіту запланаваны сустрэчы з Прэзідэнтам Азербайджанскай Рэспублікі Ільхамам Аліевым, Прэм’ер-міністрам Алі Асадавым, старшынёй Мілі Меджліса Сагібай Гафаравай. Мяркуецца абмеркаванне ўсяго спектра двухбаковых адносін, вызначэнне перспектыўных для рэалізацыі праектаў міждзяржаўнага партнёрства, у тым ліку развіцця міжпарламенцкіх сувязей

Сусветны форум гарадоў праводзіцца пад эгідай праграмы Арганізацыі Аб’яднаных Нацый па ўстойлівай урбанізацыі з 2002 года. Ён уяўляе сабой унікальную пляцоўку для змястоўнага дыялогу, абмену перадавым вопытам і выпрацоўкі сумесных рашэнняў задач, якія вызначаюць аблічча гарадоў будучыні.

Данііл ХМЯЛЬНІЦКІ

Фота Савета Рэспублікі