Мікрааўтобус, як мяркуецца, з беларусамі трапіў у ДТЗ у Батумі (Грузія). Два чалавекі загінулі, сем пацярпелі, паведамляюць грузінскія СМІ.
Па наяўнай інфармацыі, пацярпелыя дастаўлены ў розныя клінікі Батумі. Паведамляецца, што ў мікрааўтобусе знаходзіліся грамадзяне Беларусі.
Аварыя адбылася сёння раніцай. Мікрааўтобус і легкавы аўтамабіль сутыкнуліся на вуліцы Гаргіладзэ. Вядзецца расследаванне ў сувязі з парушэннем правілаў дарожнага руху.
У МЗС Беларусі БелТА паведамілі, што інфармацыю, якая з’явілася ў СМІ, правяраюць.
