Праваахоўнікі спынілі грузавік DAF пад кіраваннем 54-гадовага жыхара Віцебскай вобласці, які меў намер вывезці з краіны 19 тон металалому. Пра гэта БелТА паведамілі ў МУС.
Падчас агляду паўпрычэпа міліцыянеры выявілі каля 19 тон лому чорных і каляровых металаў на агульную суму звыш 130 тыс. рублёў без суправаджальных дакументаў. Кіроўца прызнаўся, што нелегальна скупляў сыравіну на тэрыторыі Беларусі для наступнай здачы ў пункт прыёму ў суседняй дзяржаве.
У дачыненні да мужчыны складзены адміністрацыйны пратакол за парушэнне парадку вывазу з краіны лому і адходаў чорных і каляровых металаў. Яму пагражае буйны штраф і канфіскацыя прадмета правапарушэння.
