Ваеннаслужачыя Узброеных Сіл падрыхтавалі насычаную і займальную праграму. Жыхароў і гасцей сталіцы чакаюць выставы ўзбраення і ваеннай тэхнікі, займальныя конкурсы з падарункамі, выступленні армейскіх артыстаў і кінолагаў са службовымі сабакамі.

Будуць працаваць фотазоны, прафарыентацыйныя пляцоўкі, палявая кухня са смачнай салдацкай кашай.

• Пляцоўкі разгорнуцца ў музейна-паркавым комплексе «Перамога», парку ім. Горкага, скверы ім. В. Мулявіна, Яблыневым скверы, парках ім. Уга Чавеса і Паўлава, «Курасоўшчына», Лошыцкім сядзібна-паркавым комплексе, каля «Чыжоўка Арэны», на стадыёне ваеннага гарадка Уручча, каля гандлёвага цэнтра «Першы Нацыянальны гандлёвы дом», на тэрыторыі мемарыяльнага комплексу «Курган Славы».