Парк БПЛА уключае квадракоптары і FPV-дроны, а таксама больш складаныя комплексы, напрыклад, «Суперкам». Гэта дазваляе ваеннаслужачым вырашаць шырокі спектр задач. Аператары беспілотнікаў, працуючы ў цеснай каардынацыі з наземнымі падраздзяленнямі, забяспечваюць бесперапыннае назіранне за мясцовасцю і своечасовае выяўленне мэт.

«На гэтых вучэннях наш разлік выконвае задачы па карэкціроўцы артылерыі, пошуку саперніка на магчымых пазіцыях, суправаджэнні маршаў, а таксама іншыя задачы, звязаныя з паветранай разведкай і пошукам розных аб’ектаў. Лётаем мы на тактычным беспілотніку тыпу „Суперкам“. Далёкасць відэаканала складае 60 км, канал кіравання — да 50 км. Максімальная вышыня палёту — да 4500 м», — расказаў аператар разліку авіяцыйнага атрада эскадрыллі БАК. 

Беспілотнік можа весці не толькі дзённую разведку. Для начной у яго ёсць інфрачырвоная камера. «Працуем у інтарэсах розных падраздзяленняў — пяхоты, дэсанта, артылерыі. Нам ставіцца канкрэтная задача, і пад яе мы падладжваемся і выконваем яе максімальна эфектыўна. „Суперкам“ — максімальна зручны ва ўпраўленні беспілотнік. Адзін з галоўных плюсаў — яго немагчыма перахапіць ці адвесці. У яго ёсць інавацыйная інфраструктурная сістэма, дзякуючы якой ён можа выконваць задачы без выкарыстання спадарожнікаў, устойлівы да розных перашкод і можа карэктавацца самастойна», — падсумаваў аператар разліку авіяцыйнага атрада эскадрыллі БАК.