Унесены змяненні ў пастанову ад 12 жніўня 2022 года нумар 265.

Вызначана, што ўлік ажыццяўляюць сельскі, пасялковы, раённы, гарадскі (гарадоў абласнога і раённага падпарадкавання) выканаўчыя камітэты, мясцовая адміністрацыя раёна ў горадзе па месцы знаходжання ўстановы адукацыі на падставе заявы аб пастаноўцы на ўлік і іншых дакументаў, прадугледжаных у пераліку адміністрацыйных працэдур.

На падставе ўліковых даных па заяве аднаму з законных прадстаўнікоў дзіцяці выдаецца накіраванне ў адукацыйную ўстанову, размешчаную на тэрыторыі адпаведнай адміністрацыйнай адзінкі.

Падраздзяленне мясцовага органа ўлады, якое адказвае за адукацыю (упраўленне або аддзел адукацыі), штогод павінна аналізаваць уліковыя даныя і складаць спіс папярэдняга размеркавання дзяцей па ўстановах. Таксама гэтыя звесткі выкарыстоўваюцца для фарміравання сеткі адукацыйных устаноў і іх камплектавання, улічваючы патрэбнасці ў атрыманні спецыяльнай адукацыі, аздараўлення.

Акрамя таго, прадугледжана, што ўпраўленні або аддзелы адукацыі рыхтуюць накіраванні ва ўстановы, узаемадзейнічаюць з прадстаўнікамі іншых адміністрацыйна-тэрытарыяльных адзінак па пытаннях уліку дзяцей, прымаюць меры па выкананні дзяржаўных стандартаў у сферы дашкольнай адукацыі.

Пастанова ўступае ў сілу пасля яе афіцыйнага апублікавання.