Дабрачынны фонд дапамогі воінам-інтэрнацыяналістам «Памяць Афгана» правядзе некалькі ўрачыстых падзей з нагоды Дня танкіста 12-14 верасня, паведамілі агенцтву «Минск-Новости» арганізатары.

• Адкрыецца святкаванне 12 верасня. У 10:00 пачнецца мітынг-рэквіем на магіле Героя Савецкага Саюза Івана Міранкова. Сярод удзельнікаў — прадстаўнікі Клуба ваеннай гісторыі мястэчка Старавічкі (Чэхія), танкісты-ветэраны, навучэнцы гімназіі № 18, якая носіць імя героя, сваякі І. Міранкова.

На «Лініі Сталіна» 13 верасня запланаваны канцэртная праграма, рэканструкцыі баёў па вызваленні Беларусі ў 1944 годзе, паказальны заезд экіпажа Т-72Б па трасе танкавага біятлона.

У нядзелю, 14 верасня, на «Лініі Сталіна» таксама пройдуць канцэрт і паказальны танкавы заезд па трасе біятлона. Акрамя таго, пакажуць рэканструкцыю адной з бітваў Афганскай вайны.