Акцыя «За бяспеку і да ведаў — разам!», прымеркаваная да святкавання 10-годдзя ўтварэння Спецыялізаванага ліцэя МУС, пройдзе ля Палаца Рэспублікі 1 верасня, паведамляе агенцтва «Мінск-Навіны».
З 14: 30 да 17: 00 гасцей запрашаюць наведаць інтэрактыўныя пляцоўкі і азнаёміцца з гісторыяй і сучаснымі дасягненнямі ведамства.
Спецыялізаваны ліцэй прадэманструе свае вынікі за дзесяць гадоў працы, таксама прафарыентацыйныя лакацыі прэзентуюць і іншыя ведамасныя ўстановы адукацыі.
Для мінчан і гасцей сталіцы падрыхтаваны выставы ўзбраення, сучаснай і рэтратэхнікі. Акрамя таго, праваахоўнікі пакажуць, як выкарыстоўваюць у рабоце сучасныя сродкі персанальнай мабільнасці — сегвеі і электраскутары. Акрамя таго, прадугледжаны фотазоны са службовымі сабакамі.
Дзеці змогуць забрацца ў салон сапраўднага службовага аўто і пакатацца на мініяцюрных машынках, выпрабаваць трапнасць у ціры, праверыць веды ПДР і павесяліцца з роставымі лялькамі.
Забаўляльная праграма ўключае тэматычныя віктарыны і конкурсы з прызамі і сувенірамі, выступленні кінолагаў, супрацоўнікаў спецпадраздзяленняў і выхаванцаў ваенна-патрыятычных клубаў.
