Жыхарам сталіцы прапануюць паўдзельнічаць у акцыі «Зялёны двор разам!». Яе мэта — зрабіць двары больш утульнымі і зялёнымі, а таксама даць гараджанам магчымасць адчуць сябе часткай вялікай справы, паведамляе агенцтва «Мінск-Навіны».
Па ўмовах акцыі, мінчане самі выбіраюць лакацыі для размяшчэння дрэў і кустоў, вырашаюць, якія менавіта расліны высадзіць у двары, і могуць асабіста ў гэтым паўдзельнічаць. Для зручнасці на сайце ініцыятывы створана Інтэрактыўная карта з адзначанымі ўчасткамі, апісаннем раслін і памяткай па азеляненні. Гэта шанц пакінуць пасля сябе сапраўдны «зялёны след» — напрыклад, дрэва, якое будзе расці дзесяцігоддзямі.
Вынікі гавораць самі за сябе. З 2019-га па 2025-ы ў сталіцы высадзілі больш за 40 тыс. дрэў і звыш 255 тыс. кустоў. Толькі за апошні год прапанавана 575 участкаў для азелянення, а да акцыі далучыўся 131 жыхар горада. У Год добраўпарадкавання планы яшчэ больш маштабныя — скверы, паркі, спартыўныя пляцоўкі і двары сталіцы ўпрыгожаць 200 тыс. новых насаджэнняў.
