Іна Барыева расказала, што апошнім часам у сталіцы назіраецца значны ўсплёск заяў на рэгістрацыю хатніх гадаванцаў. «Калі раней штогод рэгістравалася ад 2 тыс. да 4 тыс. жывёл, то з сакавіка па мінулую пятніцу, 12 чэрвеня, было зарэгістравана каля 37 тыс. заяў», — дадала яна.

Вядома, такі ўсплёск выклікаў некаторыя цяжкасці, у прыватнасці чэргі. Аднак, паводле слоў дырэктара агенцтва, службы «адно акно» аператыўна адаптаваліся да новых умоў. «Заявы заўсёды даступныя для запаўнення, працуюць валанцёры. Можна запісацца загадзя і забраніраваць час для наведвання службы. Таксама інфармацыю можна ўдакладніць і праз кантакт-цэнтр. Усе пытанні ўрэгуляваны, і зараз галоўнае, каб уладальнікі хатніх жывёл памяталі аб неабходнасці рэгістрацыі гадаванцаў па дасягненні імі трох месяцаў. Гэта дапаможа пазбегнуць ажыятажу і забяспечыць своечасовае выкананне ўсіх працэдур», — адзначыла Іна Барыева.

Акрамя таго, дырэктар агенцтва нагадала, што «адно акно» — служба, якая прымае заявы ад усіх зацікаўленых асоб, як фізічных, так і юрыдычных. «У 2025 годзе колькасць зваротаў павялічылася на 4 % і склала больш за 452 тыс. Таксама ўзрасла падача заяў праз электронны партал. І падача заявы без падведамнасці, калі жыхары Мінска падаюць заявы і іх пытанні вырашаюцца ў Брэсце, Пінску і іншых гарадах. І наадварот», — расказала яна.