У месенджары мужчыну паступіў званок ад нібыта супрацоўнікаў «Белпошты». Яму паведамілі аб заказным лісце і папрасілі прадыктаваць код з СМС для яго атрымання. Затым быў званок ад «супрацоўніка кібербяспекі», які паведаміў, што ад імя мужчыны здзяйсняюцца злачынныя пераводы за мяжу, за што пагражае крымінальная адказнасць. Для вырашэння праблемы яму параілі напісаць заяву аб неразгалошванні інфармацыі.

Далей паступіў відэазванок ад ілжэправаахоўніка, які расказаў, што ашуканцы афармляюць заяўкі на крэдыты ад яго імя. Каб не трапіць у фінансавую пастку, трэба іх апярэдзіць і ўзяць люстраныя крэдыты. Мужчына аформіў дзве пазыкі на 85 тысяч рублёў, грошы на просьбу таго, хто тэлефанаваў, паклаў у пакет і пакінуў на прыпынку.

Па ўказанні аферыстаў мінчанін двойчы забіраў грошы ў падманутых грамадзян у Мінску і Брэсце, а пасля пакідаў іх у схованках. Па гэтым факце распачата крымінальная справа. Праводзіцца праверка, устанаўліваюцца іншыя ўдзельнікі злачыннай схемы.