Міліцыя ўстанавіла асобу мінчаніна, які жорстка абыходзіўся з жывёлай. Аб гэтым БелТА паведамілі ў ГУУС Мінгарвыканкама.

Пры маніторынгу інтэрнета праваахоўнікі выявілі інфармацыю аб жорсткім абыходжанні з жывёлай. Папярэдне было вядома, што мужчына выстраліў у ката з пнеўматычнай зброі. Неўзабаве інфармацыя пацвердзілася. Супрацоўнікі міліцыі затрымалі 63-гадовага мінчаніна. Мужчына прызнаў віну і растлумачыў, што нядаўна набыў пнеўматычную вінтоўку і такім спосабам тэсціраваў яе.