Уначы 12 лістапада на лінію 102 паступіла паведамленне ад 26-гадовага мінчаніна. Паводле яго слоў, знаёмы, пагражаючы прадметам, падобным да пісталета, забраў у яго дзве тысячы долараў і ўцёк. На месца здарэння неадкладна выбылі міліцыянеры. Пра гэта паведамілі ва УДАІ ГУУС Мінгарвыканкама.
Як паведамляецца, мужчыны перыядычна кантактавалі ў інтэрнэце, а напярэдадні суразмоўца прапанаваў сустрэцца. Пацярпелы прыехаў на машыне, у салоне якой знаходзіліся грошы ад продажу іншага аўто. Фігурант сеў на пасажырскае сядзенне, дастаў зброю і запатрабаваў аддаць наяўныя грошы.
З выкарыстаннем Рэспубліканскай сістэмы маніторынгу грамадскай бяспекі і падчас адпрацоўкі жылога сектара аператыўнікі ва ўзаемадзеянні з участковымі інспектарамі міліцыі ўстанавілі асобу і месцазнаходжанне 38-гадовага жыхара Міншчыны. Пры сілавой падтрымцы байцоў АМАПа яго затрымалі.
У нападаючага знойдзены і канфіскаваны незарэгістраваны пісталет Beretta, пнеўматычная вінтоўка і боепрыпасы. Па папярэдняй інфармацыі, некалькі гадоў таму ён набыў зброю за мяжой праз інтэрнэт.
Частку выкрадзенага затрыманы паспеў патраціць, астатняе ўдалося вярнуць. Следчымі ўзбуджана крымінальная справа за разбойны напад.
