Абвінавачаны прыехаў у сталіцу і папрасіўся некаторы час пражыць у былой жонкі — у кватэры на вул. Аўэзава. Хоць муж і жонка скасавалі шлюб яшчэ ў 2012 годзе, жанчына пагадзілася.

Раніцай 26 сакавіка 2026 года яна пайшла ў паліклініку, а калі вярнулася — былога мужа дома не аказалася. Мінчанка палічыла гэта дзіўным і вырашыла праверыць захаванасць асабістых рэчаў. На паліцы ў шафе яна не выявіла залатога ланцужка вагой амаль 3 г, пра што неадкладна паведаміла ў міліцыю.

Супрацоўнікі ўстанавілі, што ўпрыгожванне выкраў яе госць і здаў у ламбард. Ювелірны выраб вярнулі законнай уладальніцы, а ў дачыненні да нячыстага на руку мужчыны распачалі крымінальную справу. Віну ў інкрымінаваным злачынстве ён цалкам прызнаў.

— Абвінавачаны разведзены, нідзе афіцыйна не працаўладкаваны, раней ужо меў праблемы з законам, — пракаментавала старшы памочнік пракурора Заводскага раёна Святлана Зуеўская. — Суд прызнаў яго вінаватым у таемным выкраданні маёмасці (крадзяжы), і на падставе ч. 1 арт. 205 КК прызначыў пакаранне ў выглядзе двух месяцаў арышту. Акрамя таго, абвінавачаны павінен прайсці прымусовае лячэнне ад хранічнага алкагалізму.