Жанчыне ў месенджары напісаў нібыта дырэктар кампаніі, у якой яна працуе, і паведаміў аб уцечцы асабістых даных супрацоўнікаў. Кіраўнік папрасіў падначаленую аказаць дапамогу кампетэнтным органам у канфідэнцыйным парадку. Далей заяўніцы патэлефанаваў ілжэправаахоўнік і паведаміў, што ашуканцы, выкарыстоўваючы яе асабістыя даныя, праводзяць незаконныя фінансавыя аперацыі і ўжо аформілі крэдыты ў банках. Каб пазбегнуць крымінальнай адказнасці і дапамагчы выкрыць нядобрасумленнага работніка кампаніі, які прадаставіў староннім асабістыя даныя супрацоўнікаў, махляр пераканаў мінчанку аформіць рэальныя пазыкі.

Пацярпелая ўзяла два крэдыты на агульную суму каля Br40 тыс. і перавяла на прадастаўлены рахунак. Пасля гэтых дзеянняў з ёй перасталі выходзіць на сувязь і выдалілі перапіску.

Распачата крымінальная справа за махлярства.

МУС нагадвае, што зламыснікі ўвесь час удасканальваюць метады падману, у тым ліку ствараюць фэйкавыя акаўнты рэальных людзей. Пры паступленні паведамленняў ад вашых кіраўнікоў, калег, сваякоў ці знаёмых з незвычайнымі просьбамі звяжыцеся з суразмоўцам асабіста ці па правераным нумары тэлефона.

Фота з адкрытых крыніц