Мінчанка перавяла больш за Br32 тыс. ашуканцам, якія прадставіліся супрацоўнікамі ДФР. Пра гэта БелТА паведамілі ў ГУУС Мінгарвыканкама.

На мабільны тэлефон 55-гадовай жыхарцы Фрунзенскага раёна паступіў званок ад ілжэсупрацоўніка Дэпартамента фінансавых расследаванняў. Ён паведаміў, што банкаўскі рахунак, адкрыты на імя мінчанкі, выкарыстоўваецца ў ашуканскіх схемах. Для пераканаўчасці жанчыне ў месенджары даслалі падробленыя дакументы і пастанову аб правядзенні вобыску.

Жанчыне паведамілі, што праваахоўнікі канфіскуюць усе знойдзеныя наяўныя. Каб захаваць грошы, мінчанцы параілі як мага хутчэй пакласці іх на"бяспечны рахунак". Яна пагадзілася і перавяла ашуканцам больш за Br32 тыс.

Затым аферысты паспрабавалі пераканаць мінчанку аформіць яшчэ і крэдыт у банку, але яна пачала сумнявацца і звярнулася да праваахоўнікаў.

Распачта крымінальная справа па факце махлярства.

У ГУУС падкрэсліваюць, што супрацоўнікі праваахоўных органаў не тэлефануюць у мэсэнджарах і не просяць аформіць крэдыт або аказаць садзейнічанне ў злове зламыснікаў.

Прэв’ю: БелТА