Праект змяшчае шэраг прапаноў, накіраваных на ўдакладненне, для якой дзейнасці неабходна атрыманне ліцэнзіі, а таксама патрабаванняў, што прад’яўляюцца да яе, і працэдурных пытанняў у сферы ліцэнзавання.

Законапраектам уводзіцца вызначэнне тэрміна «ліцэнзійная справа», канкрэтызуюцца парадак і ўмовы атрымання дакументаў або звестак па пытаннях ліцэнзавання, удакладняецца парадак збору, апрацоўкі, захоўвання, выкарыстання персанальных даных для мэт фарміравання і вядзення дзяржаўнай інфармацыйнай сістэмы «Адзіны рэестр ліцэнзій». Таксама ўстанаўліваецца патрабаванне аб пераходзе з 1 студзеня 2030 года на выключна электроннае ўзаемадзеянне суіскальнікаў ліцэнзіі і ліцэнзуючых органаў у частцы накіравання адпаведных заяў, апавяшчэнняў і прадпісанняў па пытаннях ліцэнзавання, уносяцца ўдакладненні ў шэраг артыкулаў дзеючага закона ад 14 кастрычніка 2022 года № 213-З «Аб ліцэнзаванні». Прадугледжаны і шэраг іншых змяненняў.

Свае заўвагі і прапановы можна выказаць у спецыяльнай тэме на прававым форуме Беларусі з 20 па 30 студзеня ўключна.