Распаўсюджваюцца ролікі, дзе на рэальныя архіўныя кадры з удзелам службовых асоб (у тым ліку пасла Беларусі ў Расіі, экс-міністра фінансаў Юрыя Селівёрстава) накладваецца чужы голас з неўласцівымі заявамі. «Вядома, нічога агульнага з рэальнай пазіцыяй афіцыйных асоб і дзяржаўнай палітыкай Рэспублікі Беларусь яны не маюць», — папярэджваюць у прэс-службе. 

Ашуканцы таксама распаўсюджваюць «дакумент» аб нібыта «сумесным інвеставанні» Мінфіна і Gazprom Transgaz Belarus у прыродныя рэсурсы. 

«Гэта таксама хлусня: аўтары фэйка не ведаюць ні правілаў афармлення, ні нават правільнай назвы нашай краіны. Будзьце пільныя, не верце сумніўным крыніцам і пераправярайце інфармацыю на афіцыйных рэсурсах», — адзначаюць у прэс-службе. 

Як правіла, фейк выдае ненатуральная міміка або рассінхранізацыя руху вуснаў і гаворкі, манатонны або рабатызаваны голас, сумніўная крыніца публікацыі (невядомыя каналы, боты). 

«Мэта такіх укідаў відавочная, але здаровы сэнс падмануць складаней. Давярайце толькі афіцыйным рэсурсам», — падкрэслілі ў прэс-службе.