Размова ідзе аб вучнях, якія асвоілі адукацыйную праграму даадукацыі адораных дзяцей і моладзі ў Нацыянальным дзіцячым тэхнапарку. Яны будуць залічвацца ў ВНУ без уступных экзаменаў на шэраг спецыяльнасцяў, якія ўстаноўлены Міністэрствам адукацыі.

Па такім прынцыпе змогуць паступаць вучні 15 адукацыйных праграм, сярод іх — авіякасмічныя тэхналогіі, архітэктура і дызайн, біятэхналогіі, віртуальная і дапоўненая рэальнасць, «зялёная» хімія, інжынерная экалогія, інфармацыйная бяспека, інфармацыйныя і камп’ютарныя тэхналогіі, лазерныя тэхналогіі, машыны і электрарухавікі, аўтамабілебудаванне, нанаіндустрыя і нанатэхналогіі, прыродныя рэсурсы, робататэхніка, электроніка і сувязь, энергетыка будучыні.

Слухачы гэтых праграм змогуць паступаць без уступных экзаменаў на сумежныя спецыяльнасці, якія таксама ўстаноўлены дакументам.

Таксама пастановай Мінадукацыі зацверджаны тры інструкцыі:

• аб парадку правядзення гутаркі з замежнымі абітурыентамі і асоб без грамадзянства,

• аб парадку правядзення гутаркі з выпускнікамі профільных класаў прафесійнай накіраванасці,

• аб парадку правядзення гутаркі з вучнямі, якія вучыліся ў Нацыянальным дзіцячым тэхнапарку.