Пацыенты былі шпіталізаваны ў Рэспубліканскі апёкавы цэнтр гарадской клінічнай бальніцы хуткай медыцынскай дапамогі Мінска.

«Двое пацярпелых падключаны да апаратаў штучнай вентыляцыі лёгкіх — у іх цяжкая інгаляцыйная траўма. Двум пацыентам сёння выкананы аператыўныя ўмяшанні — хірургічная апрацоўка ран і этапнае выдаленне пашкоджаных тканак», — адзначылі ў Міністэрстве аховы здароўя.

Паведамляецца, што супрацоўнікі цэнтра выкарыстоўваюць самыя сучасныя методыкі для лячэння падобных траўмаў, аказваюць усю неабходную меддапамогу.

У БХМД 1 лістапада быў праведзены рэспубліканскі кансіліум, на якім спецыялісты вызначылі тактыку лячэння пацярпелых. Сёння ў медыцынскім кансіліуме і складанні далейшага плана лячэння пацыентаў прынялі ўдзел супрацоўнікі кафедры пластычнай хірургіі і камбустыялогіі, а таксама кафедры анестэзіялогіі і рэаніматалогіі з курсам павышэння кваліфікацыі і перападрыхтоўкі БДМУ.