Ван І абазначыў пазіцыю Кітая па сітуацыі ў Іране. Па-першае, паводле яго слоў, неабходна неадкладна спыніць ваенныя дзеянні. Варта прадухіліць распаўсюджванне і разрастанне вайны і не дапусціць выхаду сітуацыі з-пад кантролю. Па-другое, працягнуў Ван І, неабходна як мага хутчэй вярнуцца да дыялогу і перагавораў. Па-трэцяе, дадаў Ван І, неабходна сумесна супрацьстаяць аднабаковым дзеянням. Міжнародная супольнасць павінна выказацца дакладна і ясна аб непрымальнасці адкату свету да «закону джунгляў», упэўнены кітайскі міністр.

Сяргей Лаўроў са свайго боку заявіў, што амерыкана-ізраільскія ўдары па Іране сур’ёзна дэстабілізавалі сітуацыю на Сярэднім Усходзе. Як падкрэсліў кіраўнік МЗС РФ, Расія падзяляе пазіцыю Кітая і гатова ўзмацніць каардынацыю і камунікацыю з кітайскім бокам, каб паслаць дакладны сігнал праз такія пляцоўкі, як ААН і Шанхайская арганізацыя супрацоўніцтва, з заклікам неадкладна спыніць вайну і вярнуцца да працэсу дыпламатычных перагавораў.