Ігар Старавойтаў адзначыў, што сёлета ведамства плануе падрыхтаваць праект закона, які ўнясе змены ў закон «Аб ахове працы». «Мы робім гэта ў адпаведнасці з планам падрыхтоўкі законапраектаў на 2025 год. Стварылі ўжо працоўную групу, якая ўключае шырокую групу прадстаўнікоў: бізнес, прадпрыемствы, прафсаюзы, аб’яднанні наймальнікаў і рэспубліканскія органы дзяржкіравання. Рабочая група ўжо пачала сваю працу. У нас дастаткова шмат прапаноў, якія мы пастараемся рэалізаваць у гэтым новым праекце», — адзначыў намеснік міністра.

Ён падкрэсліў, што закон будзе ўключаць пытанні кіравання, арганізацыі і паўнамоцтваў. «Вельмі шмат прапаноў звязана з тым, як урэгуляваць пытанні, звязаныя са з’яўленнем новых форм арганізацый. Напрыклад, мы цяпер вельмі часта згадваем працу холдынгаў. Тут з’явіліся кіраўнікі арганізацыі, і неабходна разабрацца ў іх паўнамоцтвах і ў тым, як яны павінны Кіраваць аховай працы ў арганізацыях, якімі яны кіруюць», — расказаў Ігар Старавойтаў.

Намеснік міністра дадаў, што ўвага будзе нададзена і ўзмацненню ролі сістэмы кіравання аховай працы ў арганізацыях, дзеючай тэрміналогіі і дыстанцыйным работнікам. «Мы мяркуем уключыць асобны артыкул закона „Аб ахове працы“, дзе ўдакладнім абавязкі наймальніка і работніка ў дачыненні да аховы працы дыстанцыйных работнікаў», — дадаў ён.

Ігар Старавойтаў падкрэсліў, што мэта працы над законапраектам — даць магчымасць папярэдзіць парушэнні, прадухіліць рызыкі і дасягнуць балансу ў абароне работнікаў.