Намеснік міністра нагадала, што Дзень бацькі, які адзначаецца ў Беларусі 21 кастрычніка, — досыць маладое свята. І сямейнае свята «З татам разам!», які праходзіць падчас Тыдня бацькоўскай любові, прымеркаваны менавіта да гэтага дня.

Як расказала Юлія Берднікава, гасцямі свята сталі 30 сем’яў. «Мы разумеем, што бацька адыгрывае важную ролю ў жыцці кожнага дзіцяці і кожнай сям’і. Таму сёння дзеткі разам з татамі і мамамі наведвалі інтэрактыўныя пляцоўкі, на якіх змаглі намаляваць герб сям’і, зрабіць шпакоўню, панесці яе з сабой дадому і яшчэ доўга-доўга з цеплынёй успамінаць гэтыя актыўнасці», — адзначыла яна. 

Вядома, галоўныя героі дня сёння — таты. Сярод удзельнікаў — прамыслоўцы, вайскоўцы, дзяржслужачыя і прадстаўнікі іншых прафесій. 

Гаворачы аб гарантыях, створаных у краіне для бацькоў, намеснік міністра адзначыла, што сёння заканадаўства арганічна развіваецца для таго, каб стварыць у сям’і, у якой нараджаюцца дзеці, камфортныя ўмовы не толькі для мам, але і для тат. «І можна сказаць, што працоўнае заканадаўства ўжо абсалютна роўныя прэферэнцыі і ўмовы дае для абаіх бацькоў. Напрыклад, адпачынак па доглядзе дзіцяці да трох гадоў. Традыцыйна ў ім з дзіцем знаходзіцца мама, але заканадаўства прадугледжвае права і бацьку скарыстацца нароўні з мамай такім адпачынкам. Калі ў сям’і выхоўваюцца двое дзяцей да 16 гадоў, альбо мама, альбо тата маюць права на адзін свабодны дзень», — расказала Юлія Берднікава і дадала, што таксама з 2025 года бацькам дзяцей-інвалідаў прадастаўлена права на датэрміновую пенсію па ўзросце, калі яны выхавалі дзіця без маці. 

Больш прэферэнцый маюць шматдзетныя сем’і. «Такая сям’я можа скарыстацца адным свабодным аплатным днём на тыдзень, альбо трансфармаваць яго і скараціць кожны працоўны дзень на адну гадзіну», — адзначыла яна. 

Намеснік міністра таксама нагадала, што з 2020 года ў краіне з’явілася паняцце «бацькаўскі водпуск». «Любы бацька да спаўнення шасці месяцаў свайго дзіцяці можа скарыстацца 14 днямі і правесці час са сваёй сям’ёй. Такі водпуск набірае абароты і ён вельмі папулярны. У 2024 годзе больш за 10 % сем’яў скарысталіся такім адпачынкам», — сказала Юлія Берднікава.