Першая гульня серыі да чатырох перамог праходзіла ў беларускай сталіцы і завяршылася на карысць гаспадароў — 3:1. Па шайбе за «зуброў» закінулі Ягор Борыкаў, Дарэн Дзіц і Андрэй Стась, Вадзім Шыпачоў аддаў дзве галявыя перадачы, а галкіпер Зак Фукале адбіў 24 кідкі. У час матчу мінчане чатыры разы гулялі ў большасці і рэалізавалі дзве спробы. Стартавае ўкідванне ў другім паядынку чвэрцьфіналу канферэнцыі запланавана на 19.30.

У рэгулярным чэмпіянаце КХЛ-2025/26 мінскае «Дынама» заняло найвышэйшае ў гісторыі клуба другое месца на Захадзе, маскоўскія дынамаўцы фінішавалі сёмымі, адстаўшы на 7 ачкоў. У «гладкім» сезоне «зубры» выйгралі ў саперніка тры з чатырох вочных матчаў, у тым ліку абодва на родным лёдзе.