Прамысловасць, медыцына, турызм.
Подпісы пад дакументам, мэта якога — развіваць рознабаковае супрацоўніцтва, паставілі старшыня Мінскага гарадскога выканаўчага камітэта Уладзімір Кухараў і губернатар Санкт-Пецярбурга Аляксандр Бяглоў. План мерапрыемстваў уключае ў сябе тыя напрамкі развіцця, якія абазначыў Прэзідэнт Беларусі Аляксандр Лукашэнка на сустрэчы з губернатарам Санкт-Пецярбурга. У дарожнай карце каля 30 пунктаў. «Гэта прамысловасць, медыцына, адукацыя, культура, турызм і многае іншае. У нас ёсць план работы на 5 гадоў», — адзначыў Аляксандр Бяглоў.
Губернатар Санкт-Пецярбурга падкрэсліў, што ў ходзе рэалізацыі плана будуць уносіцца змяненні, у выпадку неабходнасці будуць заключацца дадатковыя пагадненні. Аднак адной з галоўных тэм застануцца інтэграцыйныя працэсы, пра якія казалі прэзідэнты дзвюх краін. «Нам даручылі развіваць інтэграцыйныя працэсы, ствараць сумесныя прадпрыемствы і праекты, каб як мага больш людзей усіх пакаленняў — студэнтаў, школьнікаў, прадстаўнікоў прадпрыемстваў, людзей сярэбранага ўзросту — камуніцыравалі паміж сабой і стваралі адпаведныя інавацыйныя праекты. Мы аб гэтым дамовіліся ва ўсіх галінах», — расказаў ён.
Працягнецца развіццё эканомікі. «Я хачу сказаць, што развіццё ідзе паспяхова. У мінулым годзе тавараабарот паміж Рэспублікай Беларусь і Санкт-Пецярбургам перасягнуў $3 млрд, і мы прадаўжаем рухацца ў гэтым напрамку», — сказаў Аляксандр Бяглоў.
Ён адзначыў важнасць абмену і ў сферы медыцыны. «Нашы анкалагічныя цэнтры, педыятрыя ўжо падпісалі паміж сабой адпаведныя пагадненні, мы будзем усяляк садзейнічаць, каб яны ўзаемадзейнічалі адзін з адным, прыязджалі на стажыроўкі. У нас ёсць „беражлівая паліклініка“, як мы называем, у вас — „клапатлівая паліклініка“. Гэта таксама цікавыя праекты. У нас ёсць чаму павучыцца адно ў аднаго», — лічыць губернатар.
Старшыня Мінгарвыканкама Уладзімір Кухараў у сваю чаргу запэўніў, што ўсе тыя абавязацельствы, якія былі ўзяты беларускімі прадпрыемствамі па забеспячэнні паставак тэхнікі, будуць выкананы ў поўным аб’ёме. Так, да канца 2025 года ў Санкт-Пецярбург будзе пастаўлена 99 электрабусаў МАЗ.
Уладзімір Кухараў упэўнены, што ўсе дакументы, падпісаныя падчас візіту санкт-пецярбургскай дэлегацыі, дадуць новы імпульс і будуць працаваць на будучыню абедзвюх краін. «Нашы краіны і гарады дынамічна развіваюцца, і гэта абмен вопытам па самых новых напрамках, якія кожны год з’яўляюцца. Трэба адзначыць, што аператыўна праходзяць азнаямленне і рэалізацыя гэтых напрамкаў», — адзначыў ён. — Гэтыя праекты цікавыя, і я думаю, што будзем пашыраць спектр напрамкаў. Мы маем магчымасці для працы ў галіне лічбавых тэхналогій. Тут вельмі вялікія далягляды і добрыя напрацоўкі як у Санкт-Пецярбургу, так і ў Мінску. Мы будзем іх адпрацоўваць і абавязкова рэалізоўваць«.
Старшыня Мінгарвыканкама таксама падкрэсліў важнасць супрацоўніцтва ў сферы адукацыі. «Мы шмат працуем з нашай моладдзю, бо гэтыя маладыя людзі праз некалькі гадоў выйдуць на свае працоўныя месцы і будуць рэалізоўваць праекты. Калі будуць сумесныя зносіны, яны далей абавязкова будуць працаваць разам і ствараць прадпрыемствы, якія прынясуць карысць нашым краінам. Таму ўсе гэтыя напрамкі важныя і абавязковыя. І, вядома, самае галоўнае — гэта паразуменне ў іх вырашэнні».
Падпісанне дарожнай карты адбылося падчас Дзён Санкт-Пецярбурга ў Мінску. На працягу двух дзён дэлегацыя Санкт-Пецярбурга знаёмілася з магчымасцямі беларускага боку, а таксама прадстаўляла свой досвед і напрацоўкі ў розных сферах.
