Гэта перамога дазволіла камандзе Дзмітрыя Квартальнава выйсці ў фінал турніру.

У другім і заключным матчы групавога этапа хакеісты сталічнага клуба сустракаліся з маскоўскім «Дынама». У першым перыядзе мінчане саступалі з лікам 0:2, але ў другім перыядзе змаглі не толькі адыграцца, але і вырвацца наперад. Шайбы ў вароты масквічоў закінулі Вадзім Мароз, Сэм Энас і Віталь Пінчук.

Заключны перыяд прайшоў без змен, лік застаўся 3:2 на карысць мінчан.

Хакеісты «Дынама» занялі першае месца ў групе Б, раней атрымаўшы ўпэўненую перамогу над ніжагародскім «Тарпеда» (7:3).

У фінале Кубка мэра Масквы, які завершыцца 31 жніўня, прымуць удзел шэсць каманд з Кантынентальнай хакейнай лігі — мінскае і маскоўскае «Дынама», «Спартак», «Шанхай Дрэгонс», ЦСКА і «Тарпеда».