У першым сённяшнім матчы футбалісты мінскага «Дынама» ў Наваполацку атрымалі валявую перамогу над мясцовым «Нафтанам» з лікам 3:1. Прапусціўшы мяч на 2-й хвіліне, мінчане яшчэ да перапынку выйшлі наперад пасля ўдараў Фарда Ібрагіма і Карэна Варданяна. У другім тайме Фаваз Абдулахі забіў трэці гол у браму гаспадароў поля. Пасля гэтай Вікторыі «Дынама» набрала 52 ачкі і засталося на другой пазіцыі ў турнірнай табліцы. Таксама сёння праследавальнік дынамаўцаў мазырская «Славія» прыме на сваёй арэне гродзенскі «Нёман», футбалісты «Гомеля» згуляюць са «Слуцкам», а БАТЭ на полі «Барысаў-Арэны» будзе супернічаць з жодзінскім «Тарпеда-БелАЗам».

Учора футбалісты «Мінска» і «Смаргоні» згулялі ўнічыю — 2:2.

У нядзелю, 26 кастрычніка, лідар першынства «МЛ Віцебск» сыдзецца ў дэрбі з футбалістамі «Віцебска», «Іслач» сустрэнецца з брэсцкім «Дынама», а аўтсайдэры першынства футбалісты «Маладзечна» прымуць на сваім полі Дзяржынскі «Арсенал».

Становішча ў групе лідараў: «МЛ Віцебск» — 55 балаў (25 матчаў), «Дынама» (Мінск) — 52 (25), «Славія» — 47 (25), «Тарпеда-БелАЗ» — 44 (24), «Дынама» (Берасце) — 44 (25). Унізе турнірнай табліцы знаходзіцца «Маладзечна», у якога 11 ачкоў, на 7 балаў больш у актыве «Слуцка». Бамбардзірскую гонку ўзначальвае нападнік «Іслачы» Аляксандр Шасцюк, які забіў 17 мячоў.