У арганізацыі, якая займаецца камп’ютарным праграмаваннем, не разлічыліся з работнікамі за перыяд з лютага 2025 года па люты 2026 года. Запазычанасць па заработнай плаце ўтварылася перад 28 работнікамі, яе памер склаў 415 тыс. рублёў. 

Для ліквідацыі парушэнняў заканадаўства пракуратура горада Мінска вынесла ў адрас кіраўніка юрыдычнай асобы прадпісанне, у якім запатрабавала прыняць меры да выплаты работнікам належных ім сум. 

Акт нагляду выкананы ў поўным аб’ёме — працоўныя правы 28 работнікаў адноўлены і ім выплачана запазычанасць па заработнай плаце.