Сталічны заапарк аб’яўляе галасаванне па выбары сімвала 2026 года! Паводле ўсходняга календара, наступны год будзе годам Чырвонага вогненнага каня, які сімвалізуе энергію, адвагу і працавітасць. Пра гэта расказала «Мінская праўда».
Аддаць свой голас за аднаго з васьмі прэтэндэнтаў можа кожны ахвотны. На ганаровае званне прэтэндуюць розныя жывёлы: ад масіўных коней-цяжкавозаў да вытанчаных поні, а таксама аслікі.
Сярод кандыдатаў — метыз па клічцы Орлік, якому прыпісваюць здольнасць спраўляцца з любымі задачамі. Таксама ў спісе ўдзельнікаў Півон, Смолка і Мелодыя. Падрабязныя характарыстыкі кожнага кандыдата апублікаваны на сайце заапарка, дзе вы можаце лепш пазнаёміцца з імі.
Галасаванне адбудзецца 15 снежня ў афіцыйным Instagram-акаўнце Мінскага заапарка.
