На старце заключнага 24-га тура рэгулярнага чэмпіянату «зубры» згулялі з «Салаватам Юлаевым» і «Сібір’ю». Паядынак з уфімцамі скончыўся паразай сталічнага клуба з лікам 3:7, а ў матчы супраць каманды з Новасібірска «Дынама» здабыла перамогу з вынікам 5:4. Чатыры шайбы з пяці ў складзе беларусаў закінуў нападаючы Віталь Пінчук. У 68 гульнях сезона мінчане набралі 101 ачко і занялі ў сваім дывізіёне трэцяе месца, якое гарантуе выхад у суперфінал турніру.

Да канца рэгуляркі «зубрам» засталося правесці чатыры паядынкі: два супраць Магнітагорскага «Металурга» (27 і 29 чэрвеня) і па адным — з «Салаватам» і «Сібір’ю» (абодва — 28 чэрвеня). Вырашальны этап першага ў гісторыі чэмпіянату КХЛ 3×3 адбудзецца ў Маскве. З 6 па 11 ліпеня шэсць каманд-удзельніц дадзенай стадыі правядуць матчы кругавога турніру, па іх выніках вызначацца чатыры паўфіналісты, якія разыграюць званне чэмпіёна 12 ліпеня.