Хуткасць мабільнага інтэрнэта ў бліжэйшую пяцігодку вырасце ў сярэднім у 4 разы. Аб гэтым заявіў міністр сувязі і інфармацыі Кірыл Залескі падчас пасяджэння VII Усебеларускага народнага сходу, паведамляе БелТА.
«Хуткасць мабільнага інтэрнэта ў бліжэйшую пяцігодку вырасце ў сярэднім у чатыры разы», — сказаў Кірыл Залескі, абазначаючы адзін з аспектаў наступнага этапу лічбавізацыі ў краіне.
Другое пасяджэнне VII Усебеларускага народнага сходу праходзіць у Мінску. У першы дзень Прэзідэнт звярнуўся з Пасланнем да беларускага народа і парламента. На другі дзень разглядаюць Праграму сацыяльна-эканамічнага развіцця Беларусі на 2026—2030 гады.
