Міністэрства сувязі і інфарматызацыі 28 мая выпусціць у абарачэнне дзве паштовыя маркі і блок з серыі «Суніца лясная». Пра гэта паведамляе «Мінская Праўда».
Да дадзенага выпуску падрыхтаваны карткі для картмаксімумаў. На іх нанесены афсетны лак з водарам лясной суніцы.
Мастак паштовай прадукцыі — Аляксандр Міцянін, дызайнер — Марына Крэза. Наклад кожнай маркі — 60 тыс., наклад блока — 20 тыс.
У дзень выпуску паштовых марак і блока ў абарачэнне на паштамце Мінска (у «Паштовым салоне») будзе праводзіцца спецыяльнае гашэнне на канверце «Першы дзень».
