Ачыстка аўтамабільных дарог, чыгуначных пуцей і аэрадромаў праводзіцца ў кругласутачным рэжыме. Задзейнічаны ўсе сілы і сродкі. Працуе спецыяльная тэхніка.

«Па стане на раніцу 10 студзеня на рэспубліканскіх і мясцовых дарогах працавалі амаль 3,5 тыс. чалавек і каля 2,5 тыс. адзінак спецтэхнікі: на рэспубліканскіх — 1412 чалавек і 1131 адзінка тэхнікі, на мясцовых — 2087 чалавек і 1367 адзінак тэхнікі. Бесперапынна вядуцца работы на чыгунцы. Так, у ноч з 9 на 10 студзеня працавалі больш за 800 чыгуначнікаў, задзейнічаны 10 снегаўборачных машын. Усяго за ноч ачышчана каля 73 км чыгуначнага пуцей», — праінфармавалі ў ведамстве.

У Нацыянальным аэрапорце Мінск, а таксама ў абласных аэрапортах на ўборцы снегу і апрацоўцы антыгалалёднымі рэагентамі аэрадромаў, узлётна-пасадачных палос і прывакзальнай тэрыторыі задзейнічаны каля 260 чалавек і звыш 60 адзінак тэхнікі. 

«Галоўная задача транспартнікаў — забяспечыць бесперабойную работу ўсіх відаў транспарту, прапускную здольнасць аўтамабільных і чыгунак, бяспеку палётаў і авіяцыйную бяспеку, бяспечнае знаходжанне пасажыраў на аб’ектах транспарту», — дадалі ў прэс-службе.