Як адзначыла першы намеснік міністра аховы здароўя Алена Богдан, удзельнікамі форуму сталі прадстаўнікі каля 10 краін. «У нас працягваецца супрацоўніцтва як з краінамі постсавецкай прасторы, так і з краінамі Еўропы і Азіі. Таму што сёння нашы спецыялісты гавораць на адной мове, і самае галоўнае — яны разумеюць, што робяць гэта на карысць нашых грамадзян», — адзначыла яна.

Алена Богдан падзялілася, што сёлета ў Беларускага міжнароднага стаматалагічнага кангрэсу, які праходзіць падчас форуму, вельмі цікавая праграма. 

«Выдатна, што сёння наш кангрэс праходзіць у новым выставачным цэнтры, дзе ёсць магчымасць арганізаваць шмат паралельна ідучых секцый і канферэнцый. З дакладамі будуць выступаць як нашы госці, так і нашы спецыялісты: прафесарска-выкладчыцкі склад нашых універсітэтаў, спецыялісты практычнай аховы здароўя. Будзе асобная секцыя для арганізатараў аховы здароўя. Вельмі цікава, што сёлета дадзена магчымасць выступлення маладым спецыялістам, маладым навуковым супрацоўнікам, і самае галоўнае, што ёсць магчымасць выступлення для студэнтаў», — падзялілася першы намеснік міністра.

Яна падкрэсліла, што такая практыка зносін спецыялістаў павінна працягвацца, бо гэта найлепшая народная дыпламатыя.

Сваю прадукцыю на форуме прадставяць больш за 50 удзельнікаў. Госці могуць убачыць абсталяванне для стаматалагічных кабінетаў, інструменты, матэрыялы, рэнтген-устаноўкі і аксэсуары, абсталяванне для зубатэхнічных лабараторый, артадантыі, анестэзіялогіі, прэпараты і аксэсуары па доглядзе зубоў, стаматалагічныя лекавыя прэпараты і многае іншае.

Праграма Кангрэса складаецца з дзевяці тэматычных секцый і ўключае больш за 135 выступленняў і восем майстар-класаў.

Міжнародны форум стаматолагаў прадоўжыцца да 31 кастрычніка.