МНС Беларусі атрымала адказ ад літоўскага боку на запыт аб інцыдэнце на тэрыторыі Ігналінскай атамнай электрастанцыі, паведаміла БелТА ў беларускім выратавальным ведамстве.
«Згодна з паведамленнем, у блоку фільтрацыі паветра шротаструменнай устаноўкі комплексу першаснай перапрацоўкі радыеактыўных адходаў адбылося ўзгаранне. Пажар быў патушаны, пацярпелых няма, выкіду радыеактыўных матэрыялаў не адбылося», — расказалі ў МНС.
Падзея папярэдне класіфікуецца як «ніжэйшая за шкалу» па Міжнароднай шкале ядзерных і радыялагічных падзей МАГАТЭ. Знешняя дапамога не спатрэбілася.
