Сёння месцамі па краіне чакаюцца навальніцы. Удзень у асобных раёнах прагназуюцца моцныя дажджы, месцамі ўзмацненне ветру парывамі 15-20 м/с.

У гэтай сувязі, як адзначылі ў МНС, узнікае шэраг фактараў небяспекі. Сярод іх — пашкоджанне (абрыў) ліній сувязі і электраперадачы, адключэнне электрычных падстанцый, электраэнергіі ў населеных пунктах, пашкоджанне (абвальванне) слаба ўмацаваных канструкцый, дахаў будынкаў, збудаванняў, падзенне дрэў. Пры такіх умовах надвор’я ёсць верагоднасць узнікнення лясных пажараў, а таксама пажараў у жылых і вытворчых будынках, гібелі людзей на вадзе пры купанні, значнае зніжэнне бачнасці і ўскладненне руху транспарту аж да яго поўнага спынення, павелічэнне колькасці дарожна-транспартных здарэнняў, падтапленне асобных дамоў, гаспадарчых пабудоў, агародаў, сельгасугоддзяў, аўтадарог мясцовага значэння.