Апошнія некалькі дзён надвор’е з асаблівай стараннасцю працягвае выпрабоўваць нас. Пацвярджэнне таму — моцны лівень і ўраганнае ўзмацненне ветру ў ноч на сераду ў Мінску і Мінскай вобласці.
І на бліжэйшыя дні, па паведамленнях сіноптыкаў, надвор’е не дасць нам перадышкі. Метэаролагі вынеслі папярэджанне аб неспрыяльных гідраметэаралагічных з’явах. Ізноў, на гэты раз пераважна па захадзе краіны, чакаюцца моцныя дажджы. У многіх раёнах краіны чакаюцца навальніцы, пры навальніцах месцамі — моцныя ліўні і шквалістае ўзмацненне ветру парывамі 15–20 м/с.
У сувязі з гэтым МНС Беларусі нагадвае аб фактарах небяспекі падчас навальніц і моцнага ветру.
Сярод іх:
- пашкоджанне (абрыў) ліній сувязі і электраперадачы,
- парушэнне электразабеспячэння,
- пашкоджанне або абвальванне слаба ўмацаваных канструкцый, дахаў будынкаў, збудаванняў,
- падзенне дрэў,
- зніжэнне бачнасці,
- цяжкасць у руху транспарту,павелічэнне верагоднасці ўзнікнення дарожна-транспартных здарэнняў,
- гібель людзей на вадзе пры купанні,
- падтапленне асобных дамоў, гаспадарчых пабудоў, агародаў, сельгасугоддзяў,
- размыў аўтадарог мясцовага значэння.
